చింతపల్లికి సైబీరియా కొంగలు

ఖమ్మం గ్రామీణం, న్యూస్‌టుడే: సైబీరియా కొంగలు ఖమ్మం గ్రామీణ మండలం చింతపల్లి గ్రామంలో మంగళవారం సందడి చేశాయి. దాదాపుగా వందేళ్ల నుంచి ప్రతి ఏడాది సైబీరియా నుంచి సంతానోత్పత్తి కోసం చింతపల్లి గ్రామానికి వస్తున్న కొంగలు గత ఏడాది రాలేదు. ప్రతి ఏడాది డిసెంబరు చివరి వారం నుంచి చింతపల్లి గ్రామానికి వస్తుంటాయి. కానీ ఈ ఏడాది జనవరి చివరి వారంలో వచ్చాయి. గ్రామానికి వచ్చిన కొంగలు చింతచెట్లపై వాలేందుకు ప్రయత్నం చేయగా అక్కడ చెట్లపై ఉన్న కోతులు వాటికి ఆటంకం కలిగిస్తున్నాయి. దీంతో ఆ కొంగలు చెట్లపై వాలకుండా గ్రామం చుట్టూరా ప్రదక్షిణలు చేశాయి.