బ్యాంకు ఖాతాలోంచి డబ్బులు మాయం

ఖమ్మం గ్రామీణం, న్యూస్‌టుడే: బ్యాంకు ఖాతాలోంచి గుర్తు తెలియని వ్యక్తులు డబ్బులు మాయం చేసిన ఘటనపై ఖమ్మం గ్రామీణ ఠాణాలో శనివారం కేసు నమోదైంది. పోలీసులు తెలిపిన వివరాల ప్రకారం.. పొన్నెకల్లుకు చెందిన సింధు ఫోన్‌కి ఈనెల 2న బ్యాంకు ఖాతా హోల్డ్‌లో ఉందని మెసేజ్‌ వచ్చింది. దాంతో పాటు బ్యాంకుకు సంబంధించిన ఓ వెబ్‌సైట్‌ లింకు మెసేజ్‌ రూపంలో వచ్చింది. ఆ లింకు ఓపెన్‌చేసి అందులో ఉన్న వివరాలను పూర్తి చేస్తుండగా మెసేజ్‌ వచ్చిన ఓటీపీ నంబర్‌ను నమోదు చేయగానే బ్యాంకు ఖాతా నుంచి రూ.2,03,103 మాయమయ్యాయి. బాధితురాలి ఫిర్యాదు మేరకు కేసునమోదు చేసినట్లు ఎస్‌ఐ వెంకటకృష్ణ తెలిపారు.