లారీ, ద్విచక్రవాహనం ఢీ.. వ్యక్తి మృతి

ఖమ్మం గ్రామీణం :  ద్విచక్రవాహనాన్ని లారీ ఢీకొట్టిన ఘటనలో వ్యక్తి మృతి చెందాడు. ఈ ప్రమాదం ఖమ్మంలో జరిగింది. పోలీసులు తెలిపిన వివరాల ప్రకారం.. ఖమ్మం గ్రామీణ మండలం ఆరేకోడు గ్రామానికి చెందిన కేశాని శ్రీకాంత్‌(44) ఖమ్మంలోని ఓ ప్రైవేటు పాఠశాలలో అటెండర్‌గా పనిచేస్తున్నాడు. ఈ రోజు ఉదయం  పాఠశాలకు వెళ్లేందుకు ఆరేకోడు నుంచి ద్విచక్రవాహనంపై బయలుదేరాడు. ఈ క్రమంలో  మార్గమధ్యలో ఖమ్మం గ్రామీణం మండలం  కరణగిరి వద్ద శ్రీకాంత్‌ ప్రయాణిస్తున్న ద్విచక్రవాహనాన్ని  వెనుక నుంచి వస్తున్న లారీ అదుపుతప్పి ఢీకొట్టింది. ఈ ప్రమాదంలో శ్రీకాంత్‌ అక్కడికక్కడే మృతి చెందాడు. స్థానికులు అందించిన సమాచారంతో  పోలీసులు ఘటనాస్థలికి చేరుకుని ప్రమాదంపై ఆరా తీస్తున్నారు.  పోస్టుమార్టం నిమిత్తం మృతదేహాన్ని ఖమ్మం ప్రభుత్వాసుపత్రికి తరలించారు.