రోడ్డు ప్రమాదంలో యువకుడు మృతి

ప్రభాస్‌

అశ్వారావుపేట గ్రామీణం, న్యూస్‌టుడే: రోడ్డు ప్రమాదంలో యువకుడు మృతి చెందిన ఘటన భద్రాద్రి కొత్తగూడెం జిల్లా అశ్వారావుపేటలోని జంగారెడ్డిగూడెం రోడ్డులో చోటు చేసుకుంది. ఎస్సై రాజేశ్‌ కుమార్‌ కథనం ప్రకారం.. ఆంధ్రాలోని ఏలూరు జిల్లా టి.నర్సాపురం మండలం మక్కినవారిగూడేనికి చెందిన గుడిదల ప్రభాస్‌(21) పేరాయిగూడెంలో మేనమామ నార్లపాటి వెంకన్నబాబు ఇంటి వద్ద ఉంటూ పెయింటింగ్‌ పనులు చేసుకుంటున్నాడు. ఆదివారం ఉదయం ద్విచక్రవాహనంపై జీలుగుమిల్లి వెల్లి పనులు చేసిన డబ్బులు తీసుకుని తిరిగి వస్తుండగా వెనుక నుంచి లారీ ఢీ కొట్టింది. దీంతో ప్రభాస్‌ అక్కడికక్కడే మృతి చెందాడు. ఈ ఘటనపై మృతుని మేనమామ నార్లపాటి వెంకన్నబాబు ఫిర్యాదు మేరకు కేసు నమోదు చేసి లారీ డ్రైవర్‌ దొంగరి హరికిషన్‌ను అదుపులోకి తీసుకున్నట్లు ఎస్సై రాజేశ్‌కుమార్‌ తెలిపారు. కుమార్‌ మృతదేహాన్ని పోస్టుమార్టంకు తరలించారు. మృతునికి తల్లితోపాటు ఆనారోగ్యంతో బాధపడుతున్న తండ్రి, చెల్లి ఉన్నారు. వారిని ప్రభాస్‌ పెయింటింగ్‌ పనిచేస్తూ పోషించేవారు.