మాజీ ఎమ్మెల్సీ పువ్వాడకు అస్వస్థత

ఖమ్మం మామిళ్లగూడెం, న్యూస్‌టుడే: సీపీఐ సీనియర్‌ నాయకులు, మాజీ ఎమ్మెల్సీ పువ్వాడ నాగేశ్వరరావు బుధవారం అస్వస్థతకు గురయ్యారు. ఉదయం నుంచి శరీరంలో సోడియం మోతాదు తక్కువ కావడంతో నీరసంగా ఉన్న ఆయన్ని ఖమ్మం మమతా ఆసుపత్రిలో చేర్పించి వైద్య సేవలందించారు. మెరుగైన వైద్య సేవల నిమిత్తం కుటుంబ సభ్యులు హైదరాబాద్‌ కిమ్స్‌ ఆసుపత్రికి తరలించారు. ఆయన వెంట కుమారుడు, రవాణా మంత్రి అజయ్‌కుమార్‌, సీపీఐ జాతీయ సమితి సభ్యుడు బాగం హేమంతరావు ఉన్నట్లు సమాచారం. ప్రస్తుతం ఆయన ఆరోగ్య పరిస్థితి నిలకడగా ఉందని ఖమ్మం సీపీఐ వర్గాలు తెలిపాయి.