96 మందికి నియామక పత్రాల అందజేత

అందజేస్తున్న డీఎంహెచ్‌ఓ డాక్టర్‌ జేవీఎల్‌.శిరీష

కొత్తగూడెం వైద్యవిభాగం, న్యూస్‌టుడే: గత నెలలో రాష్ట్ర ప్రభుత్వం క్రమబద్ధీకరించిన పోస్టుల్లో భాగంగా జిల్లాలో హెల్త్‌ అసిస్టెంట్లు 54, ఫార్మసిస్టులు 23, ల్యాబ్‌ టెక్నీషియన్లు 19 మందికి డీఎంహెచ్‌ఓ డా.జేవీఎల్‌ శిరీష నియామక పత్రాలను గురువారం అందజేశారు. జిల్లా వైద్య, ఆరోగ్య శాఖ కార్యాలయంలో జరిగిన కార్యక్రమంలో ఆయా ఉద్యోగులందరికీ శుభాకాంక్షలు తెలిపారు. డిప్యూటీ డీఎంహెచ్‌ఓ డా.సుకృత, ప్రోగ్రాంల అధికారులు బాలాజీ, పర్ష్యా నాయక్‌, చైతన్య, మణికంఠారెడ్డి, డిప్యూటీ డెమో ఎండి.ఫయాజ్‌మోహియుద్దీన్‌, ఏవో మోహన్‌, సూపరింటెండెంట్ సింగోజి, రామకృష్ణ, టి.విజయ్‌కుమార్‌ పాల్గొన్నారు.