మహిళలను అగౌరవపరచడం అనైతికం

మాట్లాడుతున్న తెదేపా నాయకుడు కృష్ణప్రసాద్‌

మల్లవోలు (గూడూరు), న్యూస్‌టుడే: మహిళలను అగౌరపరిచే వారిని మళ్లీ శాసనసభలోకి రానివ్వకుండా తగు రీతిలో బుద్ధి చెప్పాలని పెడన నియోజకవర్గ ఇన్‌ఛార్జి కాగిత కృష్ణప్రసాద్‌ పిలుపునిచ్చారు. సోమవారం మల్లవోలు, ఐదుగుళ్లపల్లి గ్రామాల్లో మహిళల ఆత్మగౌరవ సభలు నిర్వహించారు. అసభ్యకర వ్యాఖ్యలతో శాసనసభ ప్రతిష్ఠను దిగజార్చుతున్న వైకాపా నాయకుల తీరు గర్హనీయమన్నారు. తెలుగు ప్రజలు అందరూ వారి తీరును తప్పుపడుతూ ఖండిస్తున్నారని పేర్కొన్నారు. పాలనను గాలికొదిలేసి ప్రతిపక్షాలను నిర్వీర్యం చేయడమే లక్ష్యంగా పనిచేస్తున్నారంటూ విమర్శించారు. పార్టీ మండల అధ్యక్షుడు పోతన లక్ష్మీనరసింహస్వామి, నియోజకవర్గ తెలుగు మహిళా అధ్యక్షురాలు దాసరి కరుణజ్యోతి, నాయకులు, కార్యకర్తలు పాల్గొన్నారు.