తిరుగు ప్రయాణ రద్దీ

కీసర టోల్‌ వసూలు కేంద్రం వద్ద బారులు తీరిన కార్లు

కంచికచర్ల, న్యూస్‌టుడే: సంక్రాంతి సెలవులు ముగియడంతో స్వగ్రామాల నుంచి హైదరాబాద్‌కు బయలుదేరిన వాహనాలతో సోమవారం జాతీయ రహదారిపై రద్దీ నెలకొంది. సొంత, ప్రైవేటు వాహనాల్లో ప్రయాణికులు హైదరాబాద్‌కు పయనమయ్యారు. కంచికచర్ల మండలం కీసర, జగ్గయ్యపేట మండలం చిల్లకల్లు టోల్‌ప్లాజాల వద్ద వాహనాలు బారులు తీరాయి. టోల్‌ వసూలు కేంద్రాల వద్ద అధికారులు ప్రత్యేక ఏర్పాట్లు చేసి ట్రాఫిక్‌ను క్రమబద్ధీకరించారు. సోమవారం ఉదయం 8 గంటల నుంచి సాయత్రం ఐదు గంటల వరకూ 8,000 వాహనాలు హైదరాబాద్‌ వైపు వెళ్లినట్లు కీసర టోల్‌ ప్లాజా మేనేజర్‌ జయప్రకాష్‌ తెలిపారు. సాధారణ రోజుల్లో మూడు వేల వాహనాలు వెళ్తాయని ఆయన చెప్పారు.