`ముక్కంటికి ఆభరణాల బహూకరణ

ఈవో, అర్చకునికి ఆభరణాలు అందజేస్తున్న దాతలు వెంకటమధుకిషన్‌, పద్మవల్లి

ఉప్పలూరు(కంకిపాడు), న్యూస్‌టుడే: ఉప్పలూరులో వేంచేసి ఉన్న శ్రీభోగమల్లేశ్వరస్వామిలో స్వామి, అమ్మవార్లకు గ్రామానికి చెందిన అట్లూరి వెంకటమధుకిషన్‌, పద్మవల్లి దంపతులు రూ.2.4 లక్షల విలువైన ఆభరణాలను బుధవారం ఈవో, అర్చకునికి అందజేశారు. వీటిలో వెండి నామం, భద్రకాళి అమ్మవారికి కిరీటం, హస్తాలు, పాదాలు, మకరతోరణం ఉన్నాయి. ఈ సందర్భంగా దాతల పేరుతో ప్రత్యేక పూజాదికాలు నిర్వహించారు. స్థానిక ప్రతినిధులు కొణతం సుబ్రహ్మణ్యం, చలసాని రాధాకృష్ణమూర్తి, అన్నే సాంబశివరావు, చలపతిరావు తదితరులు పాల్గొన్నారు.