68 చెరువులకు హంద్రీనీవా నీరు ట్రయల్‌ రన్‌ ప్రారంభం

పులిచెర్ల సమీపంలో కొండపై నీటిని పరిశీలిస్తున్న ఎస్‌ఈ రెడ్డి శేఖరరెడ్డి

కృష్ణగిరి, న్యూస్‌టుడే: మండలంలోని ఆలంకొండ గ్రామ సమీపంలో హంద్రీనీవా ప్రధాన కాల్వపై 68 చెరువులు నింపడానికి నిర్మించిన పంప్‌హౌజ్‌ ద్వారా నీటిని ట్రయల్‌ రన్‌ నిర్వహించినట్లు ఎస్‌ఈ రెడ్డి శేఖర్‌రెడ్డి తెలిపారు. బుధవారం ఆయన ఈఈ శ్రీనివాసులు, డీఈ విజయరాజుతో కలిసి ట్రయల్‌ రన్‌ను ప్రారంభించారు. హంద్రీనీవా కాల్వ నుంచి మోటార్ల ద్వారా పులిచెర్ల గ్రామ సమీపంలో కొండపై నిర్మించిన ట్యాంకుకు నీటిని తరలించి, అక్కడి నుంచి 1వ ఛానల్‌ ద్వారా వెంకటాపురం, కటారుకొండ చెరువులకు నీటిని మళ్లించినట్లు ఆయన తెలిపారు. ఇది విజయవంతమైతే పులిచెర్ల కొండపై ఉన్న 2, 3 ఛానళ్ల ద్వారా నీటిని ట్రయల్‌ రన్‌ నిర్వహించనున్నట్లు డీఈ విజయరాజు తెలిపారు. ఈ కార్యక్రమంలో నాణ్యతా నియంత్రణ డీఈ నాయక్‌, కోయా కంపెనీ పర్యవేక్షకులు జంషీర్‌, ఇంజినీర్‌ జవహర్‌ పాల్గొన్నారు.