వెళ్లేటప్పుడు హుషారు.. తిరిగొచ్చేటప్పుడు ఉసూరు

సాయంత్రం బాపురం నుంచి అగసలదిన్నె గ్రామానికి నడుచుకుంటూ వెళ్తున్న విద్యార్థులు

కౌతాళం మండలంలోని లింగాలదిన్నె, అగసలదిన్నె గ్రామానికి చెందిన 60 మంది విద్యార్థులు ఉన్నత పాఠశాలకు చేరుకునేందుకు నాలుగు కిలోమీటర్ల దూరంలో ఉండే బాపురం గ్రామానికి వెళ్తారు. వెళ్లేటపుపడు హుషారుగా వెళ్తున్న చిన్నారులంతా సాయంత్రం తిరిగి వచ్చేటప్పుడు ఉసూరుమంటున్నారు. ఆయా గ్రామాలకు బస్సులేని పరిస్థితి గురించి గతంలో ఈనాడులో ప్రచురితమైన కథనానికి ఆర్టీసీ అధికారులు స్పందించి ఉదయం పూట బస్సును ఏర్పాటు చేశారు. అయితే సాయంత్రం తిరిగి వచ్చేందుకు మాత్రం బస్సు వేయలేదు. దీంతో విద్యార్థులు సాయంత్రాలు తీవ్ర ఇబ్బందులు పడుతూ కాలినడకన ఇళ్లు చేరుకుంటున్నారు. స్కూల్లో ఆలస్యమైనప్పుడు చీకటి పడుతోందని, అటువంటప్పుడు ఊళ్లకు వెళ్లడం ప్రమాదకరంగా మారిందని వారు వాపోతున్నారు.- న్యూస్‌టుడే, కౌతాళం