జిల్లా సరిహద్దులోవైద్యానికేదీ దిక్కు

చికిత్స అందించేవారు లేక కర్ణాటక రాష్ట్ర 108 వాహనంలోనే ఉన్న నరసప్ప

కర్ణాటక సరిహద్దు హాలహర్వి మండల కేంద్రంలోని 24 గంటల వైద్యశాలలో వైద్యం అందించేవారు కరవయ్యారు. బుధవారం కర్ణాటక సరిహద్దు గ్రామమైన గోనేహల్‌ గ్రామంలో దేవర జరగ్గా ఆదోనికి చెందిన నరసప్ప హాజరై తిరిగి వస్తుండగా దిగువ కాల్వ వద్ద ద్విచక్ర వాహనదారు ఢీకొని వెళ్లిపోయారు. కాలికి తీవ్ర గాయం కావడంతో కర్ణాటక 108లో హాలహర్వి వైద్యశాలకు తరలించగా అక్కడ ప్రథమచికిత్స చేసేవారు కరవయ్యారు. చివరకు మన రాష్ట్ర 108 సిబ్బంది వచ్చాక ప్రథమ చికిత్స చేశారు. 24 గంటల వైద్యశాలలో సిబ్బంది లేకపోవడం ఏమిటని, ఉన్నతాధికారులు స్పందించాలని ప్రజలు కోరుతున్నారు. - న్యూస్‌టుడే, హాలహర్వి