బాలుడు అనిల్‌తో పోలీసులు

ఆదోని నేరవార్తలు, న్యూస్‌టుడే : తెలంగాణ రాష్ట్రానికి చెందిన అనిల్‌ అనే బాలుడు తప్పిపోయి ఆదోని పట్టణంలో బుధవారం ప్రత్యక్షమయ్యాడు. సీఐ శ్రీరాములు తెలిపిన వివరాల మేరకు.. అనిల్‌ అనే బాలుడు ఆదోని ఆర్టీసీ బస్టాండులో తిరుగుతుండగా గుర్తించిన రెండో పట్టణ పోలీసులు స్టేషన్‌కు తీసుకొచ్చారు. విచారించగా తనది తెలంగాణ రాష్ట్రమని పేర్కొనడంతో మరిన్ని వివరాలు ఆరాతీశారు. వనపర్తి మండలం నాగవరం గ్రామానికి చెందిన స్వామి, లక్ష్మి దంపతుల కుమారుడిగా తెలుసుకొని వారిని ఇక్కడికి రప్పించి బాలుడిని అప్పగించారు.