రహదారి ప్రమాదంలో వ్యక్తి మృతి

ఆదోని మార్కెట్‌: ఆదోని మండలం గనేకల్లు గ్రామ సమీప రహదారిపై కారు ఢీకొని రాముడు(42) అనే వ్యక్తి మృతి చెందాడు. పెద్ద తుంబలం గ్రామానికి చెందిన రాముడు ఆర్‌ఎంపీ వైద్యుడిగా విధులు నిర్వర్తిస్తున్నాడు. శుక్రవారం సాయంత్రం ద్విచక్రవాహనంపై గ్రామానికి వెళ్తుండగా ఎదురుగా వస్తున్న కారు ఢీకొని అక్కడికక్కడే మృతి చెందాడు. రాముడు తెదేపా సీనియర్‌ నాయకుడు బసవరాజు కుమారుడు. విషయం తెలుసుకున్న తెదేపా మాజీ ఎమ్మెల్యే మీనాక్షినాయుడు సంఘటనా స్థలానికి వెళ్లి బాధిత కుటుంబాన్ని పరామర్శించారు. పెద్ద తుంబలం పోలీసులు మృతదేహాన్ని పోస్టుమార్టం నిమిత్తం ఆదోని ప్రభుత్వాసుపత్రికి తరలించి కేసు నమోదు చేశారు.