జనంపై మోయలేని భారం మోపారు

గ్రామస్థుల సమస్యలువింటున్న తెదేపా జిల్లా అధ్యక్షుడు

కోడుమూరు గ్రామీణం, న్యూస్‌టుడే: ప్రభుత్వం నిత్యావసరాల ధరలు పెంచి జనంపై మోయలేని భారం మోపిందని తెదేపా జిల్లా అధ్యక్షుడు సోమిశెట్టి వెంకటేశ్వర్లు ఆవేదన వ్యక్తం చేశారు. ప్యాలకుర్తి గ్రామంలో శనివారం తెదేపా నాయకులు బాదుడే బాదుడు కార్యక్రమం నిర్వహించారు. ర్యాలీగా వెళ్తూ గ్రామస్థుల సమస్యలు అడిగి తెలుసుకున్నారు. ఏ వస్తువు తీసుకోవాలన్నా భయమేస్తోందని, ధరలు విపరీతంగా పెరిగిపోయాయని గ్రామస్థులు వివరించారు.  కార్యక్రమంలో తెదేపా నియోజకవర్గ బాధ్యుడు ఆకెపోగు ప్రభాకర్‌, నాయకులు హనుమంతరావు చౌదరి, మండల కన్వీనర్‌ కోట్ల కవిత, నాయకులు వెంకటేశ్‌ నాయక్‌, రాఘవేంద్ర, మధు, పాపారాయుడు పాల్గొన్నారు.