అమ్మఒడికి రూ.258.16 కోట్లు

జ్యోతి వెలిగిస్తున్న కలెక్టర్‌ మనజీర్‌ జిలానీ సామూన్‌ చిత్రంలో ఎమ్మెల్యేలు శిల్పా

రవిచంద్రకిశోర్‌, ఆర్థర్‌ తదితరులు

నంద్యాల పట్టణం : పేద కుటుంబాల్లోని పిల్లలు ఉన్నత చదువులు చదవాలన్న ఆశయంతో సీఎం జగన్‌మోహన్‌రెడ్డి అమ్మఒడి పథకాన్ని ప్రవేశపెట్టారు.. ఈ పథకం కింద జిల్లాలోని 1,72,112 మంది విద్యార్థుల తల్లుల ఖాతాల్లోకి రూ.258.16 కోట్లు జమ చేశామని కలెక్టర్‌ డా.మనజీర్‌ జిలానీ సామూన్‌ తెలిపారు. స్థానిక మున్సిపల్‌ టౌన్‌హాల్‌లో సోమవారం జగనన్న అమ్మఒడి పథకం కింద ఆర్థిక సాయం పంపిణీ కార్యక్రమం నిర్వహించారు. ఎమ్మెల్యేలు శిల్పా రవిచంద్రకిశోర్‌రెడ్డి, ఆర్థర్‌, డీఈవో సత్యనారాయణ మూర్తి, ఐసీడీఎస్‌ సీడీపీవో లలితాకుమారి, మున్సిపల్‌ వైస్‌ ఛైర్మన్‌ గంగిశెట్టి శ్రీధర్‌, హస్తకళల కార్పొరేషన్‌ రాష్ట్ర సంచాలకులు సునీత, ఉర్దూ అకాడమీ రాష్ట్ర సంచాలకులు అబ్దుల్‌ షుకూర్‌, ఉప విద్యాశాఖాధికారిణి అనురాధ, ఎంఈవో బ్రహ్మం, కౌన్సిలర్‌ తమీమ్‌ తదితరులు పాల్గొన్నారు.