అగ్నిపథ్‌ పథకాన్ని రద్దు చేయాలి

నిరసనలో కూర్చున్న కాంగ్రెస్‌ పార్టీ నాయకులు

కర్నూలు (నగరపాలక సంస్థ), న్యూస్‌టుడే: కేంద్ర ప్రభుత్వం కొత్తగా తీసుకొచ్చిన అగ్నిపథ్‌ పథకాన్ని వెంటనే రద్దు చేయాలని డీసీసీ అధ్యక్షుడు సుధాకర్‌ బాబు డిమాండ్‌ చేశారు. నగరంలోని పార్టీ కార్యాలయం వద్ద సోమవారం సత్యాగ్రహ కార్యక్రమం నిర్వహించారు. ఆయన మాట్లాడుతూ యువత భవిష్యత్తును నాశనం చేసేందుకే కేంద్ర ప్రభుత్వం దీనిని తీసుకొచ్చిందని ధ్వజమెత్తారు. నిరుద్యోగ యువతకు కాంగ్రెస్‌ పార్టీ అండగా నిలబడి పోరాటం చేస్తుందని పేర్కొన్నారు. ఈ కార్యక్రమంలో పార్టీ నగర అధ్యక్షుడు జాన్‌ విల్సన్‌, ఐఎన్‌టీయూసీ జిల్లా అధ్యక్షుడు బతుకన్న, మహిళా కాంగ్రెస్‌ పార్టీ జిల్లా అధ్యక్షురాలు పాలెం సుజాత, నాయకులు, కార్యకర్తలు పాల్గొన్నారు.