అంగన్‌వాడీలో అంధకారం

పట్టణంలోని 13వ అంగన్‌వాడీ కేంద్రంలో చీకట్లో చిన్నారులు

ఇదేంటి..? పట్టపగలు చిన్నారులు చీకట్లో ఉన్నారేంటని అనుకుంటున్నారా.. విద్యుత్తు సరఫరా లేకపోవడంతో ఈ పరిస్థితి తలెత్తింది. పట్టణంలోని 13వ అంగన్‌వాడీ కేంద్రానికి రూ.25 వేల వరకు విద్యుత్తు బకాయిలు ఉండటంతో ఆ శాఖ అధికారులు సరఫరా నిలిపివేశారు. గతంలో అంగన్‌వాడీ కేంద్రాలను మెర్జ్‌ చేయకముందు ఇక్కడ మూడు కేంద్రాలు నిర్వహించారు. దీంతో ఆ రెండు కేంద్రాలకు చెందిన విద్యుత్తు మీటర్లు ఏర్పాటు చేశారని సిబ్బంది పేర్కొన్నారు. విద్యుత్తు బిల్లు బకాయి ఉండటంతో సరఫరా నిలిపివేశారని, దీంతో ఇలా చీకట్లో ఉండాల్సి వస్తోందని, లేదంటే.. వాకిలి, కిటికీలు తెరవగా వచ్చే వెలుతురులో కేంద్రం నిర్వహిస్తున్నామన్నారు. - న్యూస్‌టుడే, డోన్‌