ఆమె మరణం చరితము

తనువు చాలించి నలుగురికి ప్రాణదానం●

బ్రెయిన్‌డెడ్‌ అయిన బాలింత

గ్రీన్‌ ఛానల్‌ద్వారా అవయవాల చేరవేత

చరిత (పాతచిత్రం)

కర్నూలు వైద్యాలయం, న్యూస్‌టుడే: తెలంగాణ రాష్ట్రం గద్వాల పట్టణానికి చెందిన ఓ బాలింత తాను మరణించి నలుగురికి ప్రాణదాతగా మారింది. కుటుంబ సభ్యుల కథనం ప్రకారం.. గద్వాల పట్టణానికి చెందిన శ్రీధర్‌ ప్రైవేటు ఉద్యోగి. ఆయన సతీమణి చరిత(28)కు 20 రోజుల క్రితం మొదటి ప్రసవంలో కుమారుడికి జన్మనిచ్చారు. ఈనెల 29న విపరీతమైన తలనొప్పి రావడంతో కర్నూలు కిమ్స్‌ ఆసుపత్రిలో చేర్పించారు అక్కడ చికిత్స పొందుతూ శనివారం బ్రెయిన్‌ డెత్‌ అయ్యారు. వైద్యులు సూచనతో ఆమె అవయవాలు దానం చేసేందుకు కుటుంబసభ్యులు ముందుకొచ్చారు. ఆసుపత్రి యాజమాన్యం పోలీసులకు తెలపడంతో వారు ఆ అవయవాలను గ్రీన్‌ఛానల్‌ ద్వారా ( రోడ్లపై ఎలాంటి ఆటంకం లేకుండా పోలీసుల సంరక్షణ మధ్య) గుంటూరు, నెల్లూరు పట్టణాలకు పంపించారు.

అవయవాలు తీసుకెళ్లడానికి సిద్ధంగా పోలీసులు, వైద్య సిబ్బంది​​​​​​​