అగస్టీన్‌..సైకిల్‌ యాత్ర

ఆదోని మార్కెట్‌, న్యూస్‌టుడే: పేరు అగస్టీన్‌.. కర్ణాటకలోని రాయచూరు జిల్లా హనుమాపురం స్వగ్రామం. తల్లిదండ్రులు చనిపోయారు. కొంత కాలం ఇతడు పెయింటర్‌గా ఉపాధి పొందుతూ జీవనం సాగిస్తున్నారు. పదో తరగతి వరకు చదువుకున్నారు. దేశంపై భక్తి, ప్రేమతో ఇలా పదేళ్లుగా జాతీయ జెండాలతో వివిధ రాష్ట్రాల్లో సైకిల్‌ యాత్ర చేస్తున్నారు. యాత్రలో ఎవరైనా.. ఏదైనా ఆహారం పెడితే తింటూ.. ఎక్కడా చీకటి పడితే అక్కడే కునుకు తీస్తుంటారు. ఇప్పటి వరకు దక్షిణాది రాష్ట్రాలన్నీ చుట్టివచ్చానంటున్నారు అగస్టీన్‌. గురువారం ఆదోనిలో కనిపించారు.