ఒత్తిడితో గుండె జబ్బులు అధికం

సదస్సులో మాట్లాడుతున్న ఆసుపత్రి  పర్యవేక్షకుడు డాక్టర్‌ నరేంద్రనాథ్‌రెడ్డి

కర్నూలు వైద్యాలయం, న్యూస్‌టుడే: ఒత్తిడితో గుండె జబ్బుల బారిన పడే వారి సంఖ్య అధికంగా ఉందని, యోగా, ధ్యానం, వ్యాయామం, నడకతో దీని బారిన పడకుండా నివారించవచ్చని కర్నూలు సర్వజన ఆస్పత్రి పర్యవేక్షకుడు డాక్టర్‌ నరేంద్రనాథ్‌రెడ్డి అన్నారు. ప్రపంచ హృదయ దినోత్సవాన్ని పురస్కరించుకొని కార్డియాలజీ విభాగంలో గురువారం అవగాహన సదస్సు నిర్వహించారు.  ఆకుకూరలు, పండ్లు, నిత్యం నడక చేయడం, ధూమపానం, మద్యం వంటి వాటికి దూరంగా ఉండాలని సూచించారు. వైద్యులు వెంకటేశ్వర్లు, ఆనంద్‌యాదవ్‌ పలు అంశాలపై అవగాహన కల్పించారు. ఈ కార్యక్రమంలో వైద్య కళాశాల ఇన్‌ఛార్జి ప్రిన్సిపల్‌ డాక్టర్‌ సుధాకుమారి, జనరల్‌ మెడిసిన్‌  విభాగాధిపతి డాక్టర్‌ శ్రీరాములు, పీడియాట్రిక్‌ ప్రొఫెసర్‌ డాక్టర్‌ రవికుమార్‌,  పీజీ విద్యార్థులు తదితరులు పాల్గొన్నారు.