రాఘవుడి సన్నిధిలో వీఐపీలు..

జిల్లా కోర్టు న్యాయమూర్తి ఎన్‌.శ్రీనివాసరావుకు స్వాగతం పలుకుతున్న ఎస్‌ఐ వేణుగోపాల్‌రాజు

మంత్రాలయం, న్యూస్‌టుడే: రాఘవేంద్రస్వామి దర్శనార్థం వేర్వేరు సమయాల్లో ప్రముఖులు మంత్రాలయానికి చేరుకున్నారు. జిల్లా న్యాయమూర్తి ఎన్‌.శ్రీనివాసరావు, కర్ణాటక హైకోర్టు న్యాయమూర్తి ముదుగళ్‌లు వచ్చారు. మఠం అధికారులు వీరికి స్వాగతం పలికారు. ఆదివారం ఉదయం స్వామి దర్శనానికి వెళ్లనున్నారు. రాత్రి మఠం వసతి గదుల్లో బసచేస్తారు. కర్నూలు పార్లమెంటు తెదేపా బాధ్యుడు సోమిశెట్టి వెంకటేశ్వర్లు మఠానికి వచ్చారు. గ్రామదేవత మంచాలమ్మ, రాఘవేంద్రస్వామి మూల బృందావనాన్ని దర్శించుకొని మొక్కులు తీర్చుకున్నారు. ఎస్‌ఐ వేణుగోపాల్‌రాజు పాల్గొన్నారు.