logo

ఆకాశ వీధిలో.. విజయాల దారిలో..

అనుకున్న సాధించాలన్న కసి.. లక్ష్యం చేరుకోవాలనే తపన ఉంటే.. ఏ రంగంలోనైనా రాణించి విజయం సాధించవచ్చని నిరూపించుకున్నాడు ఆదోని పట్టణానికి చెందిన యువకుడు  సాయిరామ్‌. 

Published : 28 Nov 2022 03:08 IST

వైమానిక  కొలువులో సాయిరామ్‌

న్యూస్‌టుడే, ఆదోని విద్య: అనుకున్న సాధించాలన్న కసి.. లక్ష్యం చేరుకోవాలనే తపన ఉంటే.. ఏ రంగంలోనైనా రాణించి విజయం సాధించవచ్చని నిరూపించుకున్నాడు ఆదోని పట్టణానికి చెందిన యువకుడు  సాయిరామ్‌. ఎయిర్‌ఫోర్స్‌ పరీక్షల్లో ఉత్తీర్ణత సాధించి ఎయిర్‌ క్రాఫ్ట్‌ ఉద్యోగానికి ఎంపికయ్యాడు. ఆ యువకుడి విజయగాథ ఇది.

* ఆదోని పట్టణం ఎస్‌బీఐ-2 కాలనీలో నివాసం ఉంటున్న కె.భీమన్న, భాగ్యలక్ష్మి దంపతులకు ఇద్దరు కుమారులు. భీమన్న ప్రైవేటు డ్రైవరుగా పనిచేస్తూ కుటుంబాన్ని పోషిస్తున్నాడు. ఆయన పెద్దకుమారుడు కురవ సాయిరామ్‌ ఆదోని పట్టణంలో పదో తరగతి వరకు చదువుకున్నాడు. ఓ వైపు చదువుకుంటూనే.. మరోవైపు కరాటే మార్షల్‌ ఆర్ట్స్‌ క్రీడలో రాణిస్తూ పలు పతకాలు సొంతం చేసుకున్నాడు.

దేశ రక్షణపై ఆసక్తి..

దేశ రక్షణ దళంలో చేరి సేవలు అందించాలన్న పట్టుదల పాఠశాల వయసులోనే యువకుడు సాయికుమార్‌కు ఉండేది. ఈ యువకుడి ఆసక్తిని గుర్తించిన పాఠశాల గురువులు, తల్లిదండ్రులు ఇంటర్మీడియేట్‌ పూర్తవగానే తిరుపతిలోని సాయి డిఫెన్స్‌ అకాడమిలో చేర్పించారు. 2019లో అకాడమిలో చేరిన ఈ యువకుడు సాధన చేయడం మొదలుపెట్టాడు. అదే సంవత్సరం వైమానిక దళం (ఎయిర్‌ఫోర్స్‌)లో ఉద్యోగ ప్రవేశ పరీక్షలకు ఆహ్వానం పలకడంతో ఈ యువకుడు పరీక్షలు రాశాడు. ఉత్తమ ఫలితాలు రావడంతో ఉద్యోగానికి ఎంపికయ్యాడు.

రెండేళ్ల పాటు శిక్షణ

వైమానిక దళంలో ఉద్యోగానికి ఎంపికైన యువకుడు సాయిరామ్‌ కర్ణాటక రాష్ట్రం బెళగావిలో ఎయిర్‌ఫోర్స్‌ శాఖలో శిక్షణలో చేరాడు. రెండేళ్ల పాటు ఎలక్ట్రానిక్స్‌ అండ్‌ కమ్యూనికేషన్స్‌లో బి.టెక్‌ పూర్తి చేసుకున్నాడు. శిక్షణ పూర్తికావడంతో ఎయిర్స్‌ఫోర్స్‌లో ఉత్తర్‌ప్రదేశ్‌ రాష్ట్రం గోరక్‌పూర్‌లో ఎయిర్‌ క్రాఫ్ట్‌ ఉద్యోగం చేరాడు. తల్లిదండ్రులు, గురువుల ప్రోత్సాహంతోనే ఈ ఉద్యోగం సాధించానని యువకుడు సాయిరామ్‌ పేర్కొంటున్నాడు.

Read latest Kurnool News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని