వక్ఫ్‌ భూముల సంరక్షణకు కృషి

ఆదోని మార్కెట్‌: జిల్లాలో వక్ఫ్‌ భూములను కాపాడతామని వక్ఫ్‌ బోర్డు జిల్లా ఛైర్మన్‌ మియాజ్‌ అహ్మద్‌ తెలిపారు. జిల్లా ఛైర్మన్‌గా ఎన్నికైన తర్వాత ఆదోనిలో మొదటిసారి పర్యటించిన ఆయన.. స్థానిక వైకాపా కార్యాలయంలో విలేకర్ల సమావేశంలో మాట్లాడారు. ఇకపై వక్ఫ్‌ భూములు అన్యాక్రాంతం కాకుండా చట్టబద్ధత తెస్తామన్నారు. ముఖ్యంగా పశ్చిమ ప్రాంతంలో కొత్తగా సర్వే చేపట్టి రిజిస్టర్‌  వినియోగించేలా చూస్తామని తెలిపారు. తన ఎన్నికకు సహకరించిన ఎమ్మెల్యేలు, ఎంపీకి కృతజ్ఞత తెలిపారు. వైకాపాతోనే ముస్లింల అభివృద్ధి సాధ్యమని అన్నారు. కార్యక్రమంలో పురపాలక ఛైర్‌పర్సన్‌ శాంత, పార్టీ పట్టణాధ్యక్షుడు దేవా తదితరులు పాల్గొన్నారు.