logo

వైకాపా రైతు ద్రోహి ప్రభుత్వం

రాష్ట్రంలో అధికారంలో ఉన్న వైకాపా రైతు ప్రభుత్వం కాదని, రైతులకు ద్రోహం చేసే ప్రభుత్వమని బనగానపల్లి మాజీ ఎమ్మెల్యే బీసీ జనార్దన్‌రెడ్డి అన్నారు.

Published : 29 Nov 2022 02:19 IST

సమావేశంలో మాట్లాడుతున్న బీసీ జనార్దన్‌రెడ్డి

కోవెలకుంట్ల, న్యూస్‌టుడే: రాష్ట్రంలో అధికారంలో ఉన్న వైకాపా రైతు ప్రభుత్వం కాదని, రైతులకు ద్రోహం చేసే ప్రభుత్వమని బనగానపల్లి మాజీ ఎమ్మెల్యే బీసీ జనార్దన్‌రెడ్డి అన్నారు. కోవెలకుంట్ల పట్టణంలోని తెదేపా కార్యాలయంలో సోమవారం ఆయన విలేకరుల సమావేశం నిర్వహించారు. గతంలో ప్రభుత్వాలు ఎలాంటి నిబంధనలు లేకుండా రైతులకు ఇన్‌పుట్‌ సబ్సిడీలు అందించేవని, ప్రస్తుతం అధికార పార్టీ నాయకులకు, అధికారుల కనుసన్నల్లో ఉన్నవారికి మాత్రమే పథకాలు ఇస్తున్నారన్నారు. పంటనష్టంలో 20 శాతమే ఇస్తూ అన్నదాతలను మోసం చేస్తున్నారన్నారు. సున్నావడ్డీ పథకం గతంలో రూ.2.5 లక్షలు ఉండగా ఇప్పుడు రూ.లక్ష మాత్రమేనని నిబంధనలు పెట్టారన్నారు. రాష్ట్రంలో 1.5 కోట్ల మంది రైతులు 40 నుంచి 50 లక్షల మందికే సున్నావడ్డీ వర్తింపజేశారన్నారు. సున్నావడ్డీని రూ.2.5 లక్షలకు పెంచాలని, రెన్యువల్‌ ఫీజు ప్రభుత్వమే కట్టాలన్నారు. ఎలాంటి నిబంధనలు లేకుండా ఇన్‌పుట్‌ రాయితీలు వర్తింపజేయాలని డిమాండ్‌ చేశారు. కార్యక్రమంలో నాయకులు మార్కెట్‌యార్డు మాజీ ఛైర్మన్‌ గడ్డం నాగేశ్వరరెడ్డి, వల్లంపాడు ఉపసర్పంచి గార్లపాటి జగదీశ్వరరెడ్డి, కంపమల్ల సుబ్బారెడ్డి, గుల్లదుర్తి పరమేశ్వరరెడ్డి, కలుగొట్ల నాగార్జునరెడ్డి, గడ్డం అమర్‌నాథరెడ్డి, రాజశేఖర్‌, విష్ణువర్దన్‌రెడ్డి, తదితరులు పాల్గొన్నారు.

Read latest Kurnool News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని