వాలీబాల్‌ బాలబాలికల విజేత శ్రీకాకుళం, గుంటూరు జట్లు

మూడో స్థానంలో నిలిచి జ్ఞాపిక అందుకుంటున్న కర్నూలు క్రీడాకారులు

కర్నూలు క్రీడలు (బి.క్యాంపు), న్యూస్‌టుడే: కర్నూలు ఎ.క్యాంపు మాంటిస్సోరి పాఠశాల క్రీడా మైదానంలో గత మూడు రోజులుగా జరుగుతున్న 66వ ఎస్‌జీఎఫ్‌ రాష్ట్రస్థాయి అండర్‌-17 బాలబాలికల వాలీబాల్‌ పోటీలు బుధవారం ముగిశాయి. బాలుర విభాగంలో జరిగిన తుది పోరులో శ్రీకాకుళం జట్టు.. పశ్చిమ గోదావరిపై 25-20, 25-23 స్కోరుతో గెలిచి టైటిల్‌ కైవసం చేసుకుంది. కర్నూలు మూడో స్థానంలో నిలిచింది. బాలికల విభాగంలో గుంటూరు జట్టు.. విశాఖపై 25-23, 25-21 స్కోరుతో గెలుపొంది టైటిల్‌ సొంతం చేసుకుంది. మూడో స్థానంలో విజయనగరం జట్టు నిలిచింది. సాయంత్రం జరిగిన బహుమతి ప్రదానోత్సవ కార్యక్రమంలో జిల్లా విద్యాధికారి డా.రంగారెడ్డి పాల్గొని మాట్లాడారు. జిల్లా అగ్నిమాపకశాఖ అధికారి అవినాష్‌ జయసింహా తదితరులు కలిసి బహుమతులు అందజేశారు.