సీతమ్మ పద్దులో సిరుల పంట
ఎన్నో ఆశలు, అంచనాల మధ్య కేంద్ర బడ్జెట్ 2023-24ను కేంద్ర ఆర్థిక మంత్రి నిర్మలా సీతారామన్ బుధవారం లోక్సభలో ప్రవేశ పెట్టారు.
చిరుధాన్యాల సాగుకు శ్రీఅన్న పథకం
ఈనాడు-కర్నూలు, కర్నూలు సచివాలయం-న్యూస్టుడే: ఎన్నో ఆశలు, అంచనాల మధ్య కేంద్ర బడ్జెట్ 2023-24ను కేంద్ర ఆర్థిక మంత్రి నిర్మలా సీతారామన్ బుధవారం లోక్సభలో ప్రవేశ పెట్టారు. సమ్మిళత అభివృద్ధి, చిట్టచివరి వ్యక్తికి సత్ఫలితాలు అందడం, మౌలిక సదుపాయాల అభివృద్ధి, పెట్టుబడి, హరిత వృద్ధి, ప్రజల శక్తి సామర్థ్యాలు వినియోగించుకోవడం, యువశక్తిని ప్రోత్సహించడం, ఆర్థిక రంగాన్ని బలోపేతం చేయడం వంటి ఏడు అంశాలు ప్రాధామ్యాలుగా బడ్జెట్ను పెట్టినట్లు ఆమె తెలిపారు. సేంద్రియ సాగు, చిరుధాన్యాలు, ఉద్యాన సాగుకు ప్రోత్సాహకాలు రైతులను ఆకట్టుకునేలా ప్రకటించారు. ఆదాయ పన్ను విధానంలోనూ పరిమితి పెంచి మధ్య తరగతికి ఊరటనిచ్చారు.
మహిళా పొదుపు పథకం
‘మహిళా సమ్మాన్ బచత్ పత్ర’ పొదుపు పథకాన్ని బడ్జెట్లో ప్రకటించారు. ఇది వన్ టైమ్ చిన్న మొత్తాల పొదుపు పథకం. రెండేళ్ల కాలపరిమితి అందుబాటులో ఉంటుంది. 7.5 శాతం వడ్డీ లభిస్తుంది. అవసరమైనప్పుడు పాక్షికంగా సొమ్మును ఉపసంహరించుకునే వెసులుబాటు కల్పించారు. ఉమ్మడి జిల్లాలో సుమారు 16.50 లక్షలకుపైగా మహిళలు, యువతులు ఉన్నారు. ప్రస్తుతం పొదుపు సంఘాల్లో ఆరు లక్షల మంది మహిళలకుపైగా ఉన్నారు. వీరందరికీ ఈ పథకం ఆసరాగా నిలవనుంది.
గిరి పుత్రుల మిషన్
గిరిజన మిషన్ కోసం రూ.10 వేల కోట్లు, గిరిజన గ్రామాల అభివృద్ధికి రూ.15 వేల కోట్లు కేటాయించారు. శ్రీశైలం ఐటీడీఏ పరిధిలో 171 చెంచు గూడేల్లో 7 వేల కుటుంబాలు జీవిస్తున్నాయి. గిరిజనులకు ఏటా బడ్జెట్ రూ.1-2 కోట్లు మాత్రమే విడుదల చేసేవారు. గిరిజన మిషన్ ఏర్పాటుతో ప్రతిపాదనలకు తగ్గట్లు ఏటా రూ.6 కోట్ల వరకు కేటాయించే అవకాశాలున్నట్లు అధికారులు చెబుతున్నారు. అలాగే ఫుడ్ బాస్కెట్లకు నిధులు సమకూరే అవకాశముంది. ఏకలవ్య పాఠశాలల్లో ఉపాధ్యాయుల నియామకానికి ఆమోద ముద్ర వేశారు. ఐటీడీఏ పరిధిలో ఒక్క దోర్నాలలోనే ఏకలవ్య పాఠశాల ఉంది.
రాగులు.. కొర్రలు.. జొన్నలు
* జొన్న, రాగులు, సజ్జలు, కొర్రలు, ఊదలు వంటి పంటల విస్తీర్ణం పెంచే ప్రయత్నం చేస్తున్నట్లు బడ్జెట్ ప్రసంగంలో ఆర్థిక మంత్రి పేర్కొన్నారు. ఆయా పంటలను ప్రోత్సహించేందుకు ‘శ్రీఅన్న’ పథకానికి శ్రీకారం చుట్టినట్లు వెల్లడించారు. గత కొన్ని రోజుల ముందే మన్కీ బాత్ కార్యక్రమంలో ప్రధాని మోదీ పాణ్యంకు చెందిన మిల్లెట్ ప్రాసెసింగ్ చేస్తున్న రైతు రామసుబ్బారెడ్డిని అభినందించిన విషయం విదితమే.
* ఖరీఫ్, రబీలో కలిపి నంద్యాల జిల్లాలో జొన్న (23,368 హెక్టార్లు), సజ్జ (2630 హెక్టార్లు), కొర్రలు (732.17హెక్టార్లు) సాగు చేశారు. కర్నూలులో జొన్న (14,678 హెక్టార్లు), కొర్రలు (676 హెక్టార్లు), సజ్జలు (2,323 హెక్టార్లు) సాగవుతున్నాయి. అక్కడక్కడా రాగులు, సామలు, అరికెలు వంటి చిరుధాన్యాలు సాగు చేస్తున్నారు. కేంద్ర ప్రోత్సాహంతో సాగు విస్తీర్ణం పెరిగే అవకాశాలున్నాయని నిపుణులు పేర్కొంటున్నారు.
వేతన జీవులు.. మధ్యతరగతికి ఊరట
* వ్యక్తిగత ఆదాయ పన్ను విధానంలో పరిమితి పెంపుతో కీలక మార్పులు చేశారు. గతంలో రూ.5 లక్షల వరకు రిబేట్ ఇస్తుండగా, దాన్ని రూ.7 లక్షలకు పెంచుతూ బడ్జెట్లో నిర్ణయం తీసుకున్నారు. దీంతో కొత్త పన్ను విధానంలో రూ.7 లక్షల వరకు ఎలాంటి పన్ను చెల్లించాల్సిన అవసరం లేదు. రూ.7 లక్షలు దాటితే 5 శ్లాబుల్లో పన్ను విధించనున్నారు. పాత పన్ను విధానంలో ఉన్నవారు ఎప్పటిలాగే అందులో పొందుతున్న రాయితీలను కొనసాగించవచ్చు లేదా కొత్త పన్ను పరిధిలోకి రావొచ్చని కేంద్ర బడ్జెట్లో స్పష్టం చేయడంతో వేతన జీవులు, మధ్య తరగతి, వ్యాపార వర్గాలకు ఊరట కల్గించింది.
వ్యవసాయం
* కర్షకులకు రుణ సదుపాయం, మార్కెటింగ్, వ్యవసాయ స్టార్టప్స్కు చేయూత, ప్రత్యేక నిధి కేటాయిస్తున్నట్లు బడ్జెట్లో వెల్లడించారు. ఉమ్మడి జిల్లాలో ప్రస్తుతం ఏటా రూ.6 వేల కోట్ల రుణాలు అన్నదాతలకు అందిస్తున్నారు. పీఎం కిసాన్ కింద 5.47 లక్షల మందికి పెట్టుబడి సాయమందుతోంది.
* పత్తి సాగుకు పెరిగేలా మార్కెటింగ్ సదుపాయాలు ప్రత్యేకంగా కల్పించేలా బడ్జెట్లో నిధులు కేటాయించారు. ఉమ్మడి కర్నూలు జిల్లాలో 3.03 లక్షల హెక్టార్లలో పత్తి సాగవుతోంది. ప్రోత్సాహకాలు, మార్కెటింగ్ సదుపాయాలు కల్పిస్తే మరో 30 వేల హెక్టార్లు పెరిగే అవకాశాలున్నాయి.
పీఎం ఆవాస్ యోజనకు నిధులు
* పీఎం ఆవాస్ యోజన కింద గృహ నిర్మాణాలకు బడ్జెట్లో రూ.79 వేల కోట్లు కేటాయించారు. కర్నూలు జిల్లా పరిధిలో 11 వేల మంది లబ్ధిదారులు సొంత స్థలాల్లో పీఎం ఆవాస్ యోజన కింద ఇంటి నిర్మాణాలు చేపట్టారు. ఇందులో కేంద్రం నేరుగా లబ్ధిదారుడికి రూ.1.50 లక్షలు ఇస్తుండగా, ఉపాధి హామీ పథకం కింద రూ.30 వేలు కేటాయిస్తున్నారు. నంద్యాల జిల్లా పరిధిలో 11,854 ఇళ్లు పీఎం ఆవాస్ యోజన కింద ప్రతిపాదించగా, ఇప్పటికే 8 వేల ఇళ్లు మంజూరు చేశారు.
* ఉమ్మడి జిల్లా వ్యాప్తంగా 19 వేల ఇళ్లకు బడ్జెట్ కేటాయింపులతో బిల్లులు త్వరతిగతిన అందనున్నాయి. శ్రీశైలం ఐటీడీఏ పరిధిలో 4,500 ఇళ్లు మంజూరుకానున్నాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
కన్నుల పండుగగా బెలడోనా భీమలింగేశ్వర స్వామి రథోత్సవం
[ 25-04-2024]
మండలంలోని బెలడోనా గ్రామంలో వెలిసిన భీమ లింగేశ్వర స్వామి రథోత్సవం గురువారం కన్నుల పండుగగా జరిగింది. -
ముగిసిన బండలాగుడు పోటీలు
[ 25-04-2024]
మండలంలోని రామళ్ళకోట గ్రామంలో వనం శ్రీ లక్ష్మీ వెంకటేశ్వర స్వామి ఉత్సవాల సందర్భంగా గురువారం బండలాగుడు పోటీలు నిర్వహించారు. -
మలేరియా దినోత్సవ అవగాహన ర్యాలీ
[ 25-04-2024]
జాతీయ మలేరియా దినోత్సవాన్ని పురస్కరించుకొని పత్తికొండలో వైద్యారోగ్య శాఖ ఆధ్వర్యంలో గురువారం అవగాహన ర్యాలీ నిర్వహించారు. -
సెబ్ పోలీసుల విస్తృత తనిఖీలు
[ 25-04-2024]
కర్నూలు జిల్లా ఎస్పీ జి.కృష్ణకాంత్ ఆదేశాల మేరకు కర్నూలు సెబ్ ఎన్ఫోర్స్ మెంట్ ఇన్ఛార్జి అడిషనల్ ఎస్పీ నాగరాజు ఆధ్వర్యంలో సెబ్ సూపరింటెండెంట్ ఎస్.రవి కుమార్ పర్యవేక్షణలో అక్రమంగా నాటుసారా తయారీ, నిల్వ, అక్రమ మద్యం రవాణా అమ్మకాలపై పత్తికొండ, కర్నూలు పోలీసులు గురువారం విస్తృతంగా దాడులు నిర్వహించారు. -
అరాచక పాలనకు చరమ గీతం పాడాలి
[ 25-04-2024]
రాష్ట్రంలో కొనసాగుతున్న అరాచక పాలనకు ప్రజలు చరమగీతం పాడాలని మండల తెదేపా నాయకులు నజీర్ సాహెబ్, తిమ్మారెడ్డి, తిరుపతయ్య, రామాంజనేయులు, బేతాళ బడే సాహెబ్ అన్నారు. -
మలేరియాపై అవగాహన
[ 25-04-2024]
మండలంలో అన్ని గ్రామాల్లో మలేరియాపై ప్రజలకు అవగాహన కల్పించాలని మలేరియా వ్యాధి సబ్ యూనిట్ అధికారి సాయిబాబా అన్నారు. -
తెదేపాతోనే రాష్ట్రాభివృద్ధి సాధ్యం
[ 25-04-2024]
తెదేపాతోనే రాష్ట్రాభివృద్ధి సాధ్యమని పార్టీ వాణిజ్య విభాగం రాష్ట్ర కార్యదర్శి నారాయణ, తెలుగు యువత జిల్లా అధికార ప్రతినిధి సురేంద్ర అన్నారు. -
‘జే’గనాసురుడి విషపు సుక్క
[ 25-04-2024]
ఉమ్మడి కర్నూలు జిల్లాలో ఎలైట్ స్టోర్లు, టూరిజం రెస్టారెంట్, మద్యం దుకాణాలు 175, బార్లు 49 వరకు ఉన్నాయి. నిత్యం రూ.4.50 కోట్ల మద్యం విక్రయాలు జరుగుతున్నాయి. -
ఎస్పీ ఆదేశాలు బేఖాతరు
[ 25-04-2024]
కర్నూలు జిల్లాలో తాత్కాలిక నియామకాలు (అటాచ్మెంట్లు) రద్దు చేస్తూ ఎస్పీ జి.కృష్ణకాంత్ ఇచ్చిన ఆదేశాలు ఏమాత్రం అమలుకావడం లేదు -
40 ఏళ్ల తర్వాత కడిమెట్టలో కాలు పెట్టిన బీవీ
[ 25-04-2024]
కర్నూలు జిల్లా ఎమ్మిగనూరు ఎమ్మెల్యే చెన్నకేశవరెడ్డి ఏదీ శాసిస్తే.. ఆ గ్రామంలో అదే శాసనమయ్యేది. -
మాన్యంలో నేతల ‘భూ’తాలు
[ 25-04-2024]
ఆలయ భూములు వైకాపా నేతల కబంధ హస్తాల్లో చిక్కుకున్నాయి. వేల ఎకరాలు నామమాత్రపు ధరకు కౌలుకు తీసుకొన్నారు. -
పదిలో విజయవాణి విద్యార్థుల విజయకేతనం
[ 25-04-2024]
విజయవాణి విద్యాసంస్థ విద్యార్థులు పది ఫలితాల్లో సత్తా చాటారు. చిత్తూరు జిల్లా చౌడేపల్లె మండలం విజయవాణి నగర్లోని పాఠశాలలో 99.10 శాతం ఉత్తీర్ణత సాధించినట్లు ఆ విద్యాసంస్థల యజమాని నాయుని చంద్రశేఖర్ మూర్తి బుధవారం తెలిపారు. -
భూకబ్జాదారులను ఇంటికి పంపుతాం
[ 25-04-2024]
కూటమి పార్టీల సమన్వయంతో పాణ్యంలో తెదేపా జెండా ఎగురవేస్తామని పాణ్యం తెదేపా ఎమ్మెల్యే అభ్యర్థి గౌరు చరితారెడ్డి అన్నారు -
ఆకాశం బద్దలవుతున్నా.. పట్టించుకోరు
[ 25-04-2024]
ఆదోని పట్టణంలో పాత ఆకాశవంతెనపై వాహనదారులు ప్రమాదకరంగా ప్రయాణం సాగిస్తున్నారు. వంతెన నిర్మించి నాలుగు దశాబ్దాలు గడుస్తోంది -
బండి కడితేనే.. గొంతు తడిసేది
[ 25-04-2024]
తుంగభద్ర దిగువ కాల్వకు నీటి ప్రవాహం నిలిచిపోవడంతో హొళగుంద వాసులకు తాగునీటి కష్టాలు వచ్చాయి. హొళగుందలోని కడ్లెమాగి ఎస్ఎస్ ట్యాంకు నుంచి వారానికి ఒకసారి నీరు సరఫరా చేస్తుండటంతో బీసీ, కోటవీధి వాసులు గుక్కెడు నీటికి తీవ్ర అవస్థలు పడుతున్నారు. -
సెలవులు.. ఎన్నికలు.. తీరని సమస్యలు
[ 25-04-2024]
ఐదేళ్ల వైకాపా పాలనలో విద్యావ్యవస్థ అవస్థలపాలైంది. విద్యా సంవత్సరాలు గడుస్తూనే ఉన్నాయి.. విద్యార్థుల సమస్యలు మాత్రం పరిష్కారం కావడం లేదు. -
‘ఘనులు’ తీసిన గోతులు
[ 25-04-2024]
డోన్ పరిధిలో కోట్లవారిపల్లె వద్ద గనుల శాఖ చెక్పోస్టు ఉంది. ప్యాపిలి, డోన్, బేతంచెర్ల మండలాల్లోని తవ్విన ఖనిజాలు ఇక్కడి నుంచే కర్ణాటక, తెలంగాణ, తమిళనాడు తదితర ప్రాంతాలకు తరలిస్తున్నారు.
తాజా వార్తలు (Latest News)
-
30 వైడ్ బాడీ విమానాలకు ఇండిగో ఆర్డర్.. ఎయిరిండియాకు గట్టి పోటీ!
-
‘హీరామండీ’తో నా కల నెరవేరింది: సోనాక్షి సిన్హా
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
అత్యాచారం కేసు.. హాలీవుడ్ నిర్మాత హార్వే వేన్స్టీన్కు ఊరట
-
VI 2.0కు నాంది.. మళ్లీ పుంజుకొంటాం: కుమార మంగళం బిర్లా
-
ఈనాడు.నెట్లో టాప్ 10 వార్తలు @ 9PM