బైపాస్‌ రహదారి పనులు పూర్తి చేస్తాం

ఆదోని మార్కెట్: ఆదోని పట్టణంలో అసంపూర్తిగా మిగిలిపోయిన బైపాస్‌ రహదారి పనులను త్వరితగతిన పూర్తి చేస్తామని ఎమ్మెల్యే సాయిప్రసాద్‌రెడ్డి అన్నారు. శనివారం సబ్‌కలెక్టర్ అభిషేక్‌ కుమార్‌తో ఈ అంశంపై చర్చించారు. ప్రస్తుతం 30మీటర్ల వెడల్పుతో అనుకున్న రహదారి పనులను భవిష్యత్తు అవసరాల దృష్ట్యా జాతీయ రహదారుల విభాగం డైరెక్టర్ జనరల్‌ నుంచి 45 మీటర్ల వెడల్పు పొడిగింపునకు ఉత్తర్వులు వచ్చాయన్నారు. భవిష్యత్తులో 4 వరసల రహదారికి ఉపయుక్తంగా మారనుందన్నారు. ఇందుకు 7 కిలోమీటర్ల పొడవు గల రహదారికి రూ.120కోట్ల దాకా వ్యయం చేయనున్నట్లు తెలిపారు. విస్తరణలో భాగంగా ఇళ్లు కోల్పోయే బాధితులకు పూర్తిస్థాయిలో పరిహారం అందించేలా చూస్తామని భరోసా కల్పించారు. కార్యక్రమంలో అధికారులు, తదితరులు పాల్గొన్నారు.