కారు బోల్తా : ముగ్గురికి గాయాలు

వాగులో పడటంతో నుజ్జునుజ్జైన కారు

ఉండవల్లి, న్యూస్‌టుడే : నిద్రమత్తు కారణంగా పుల్లూరు టోల్‌ప్లాజాకు సమీపంలోని వాగులో కారు బోల్తా పడటంతో ముగ్గురికి గాయాలైన ఘటన జోగులాంబ గద్వాల జిల్లా ఉండవల్లి మండల పరిధిలో ఆదివారం చోటు చేసుకుంది. స్థానికుల వివరాల ప్రకారం కర్నూలుకు చెందిన శ్రీకాంత్‌రెడ్డి, వంశీ, అనిల్‌కుమార్‌రెడ్డి కారులో జాతీయ రహదారిగుండా ఆదివారం తెల్లవారుజామున కర్నూలు వైపు వెళ్తున్నారు. పుల్లూరు టోల్‌ప్లాజా సమీపంలోకి రాగానే నిద్రమత్తు కారణంగా కారు జాతీయ రహదారి రెయిలింగ్‌ పక్కన నుంచి దూసుకెళ్లి వాగులో పడిపోయింది. ఈ ప్రమాదంలో శ్రీకాంత్‌రెడ్డికి తీవ్రగాయాలు, అనిల్‌కుమార్‌రెడ్డి, వంశీకి స్వల్ప గాయాలవగా జాతీయ రహదారి అంబులెన్సులో కర్నూలు ఆసుపత్రికి తరలించారు.