ఎమ్మెల్సీ ఫలితాలపై సీఎం నోరు విప్పాలి

తెదేపా అధ్యక్షుడు సోమిశెట్టి

మాట్లాడుతున్న సోమిశెట్టి వెంకటేశ్వర్లు

కర్నూలు సచివాలయం, న్యూస్‌టుడే: పట్టభద్రుల ఎమ్మెల్సీ ఎన్నికల్లో తెదేపా వారు గెలుపొందిన విషయంలో సజ్జల రామకృష్ణారెడ్డి తదితరులు మాట్లాడటం సబబు కాదని, ముఖ్యమంత్రి వైఎస్‌ జగన్‌మోహన్‌రెడ్డి నోరు విప్పాలని కర్నూలు పార్లమెంట్‌ నియోజకవర్గ తెదేపా అధ్యక్షుడు సోమిశెట్టి వెంకటేశ్వర్లు డిమాండ్‌ చేశారు. నగరంలోని తెదేపా కార్యాలయంలో సోమవారం మాట్లాడారు. యువతకు ప్రాధాన్యమిస్తామని చెప్పి సీఎం మోసగించారని ధ్వజమెత్తారు. పట్టభద్రులైన ఓటర్లను కించపరిచేలా ప్రభుత్వ సలహాదారు మాట్లాడారన్నారు.  రానున్న ఎన్నికల్లో ప్రజలు తగిన గుణపాఠం చెబుతారన్నారు. 175 సీట్లు గెలుస్తామని కలలు కంటున్న జగన్‌మోహన్‌రెడ్డికి 17 సీట్లు రావడం కష్టమేనన్నారు.