వీరభద్రుని గ్రామోత్సవం.. కాళమ్మకు సంబరం

పెళ్లికొడుకు అలంకరణలో వీరభద్రస్వామి

కైరుప్పల(ఆస్పరి), న్యూస్‌టుడే: మండలంలోని కైరుప్పల గ్రామంలో శైవక్షేత్రమైన వీరభద్రస్వామి, కాళమ్మదేవి ఆలయంలో బ్రహోత్సవాలు సోమవారం ప్రారంభమయ్యాయి. ఉదయం ఆలయంలో స్వామికి ప్రత్యేక పూజలు చేశారు. అనంతరం స్వామి వారి ఉత్సవమూర్తులను పల్లకిలో పురవీధుల్లో ఊరేగించారు. సాయంత్రం మొలకలు నాటడడం, ధ్వజారోహణం కార్యక్రమాలను ఆలయ అర్చకులు, గ్రామ పెద్దల ఆధ్వర్యంలో నిర్వహించారు. 9 రోజుల పాటు అమ్మవారి ఉత్సవాలు నిర్వహిస్తునట్లు ఆలయ కార్యనిర్వహణ అధికారి రాంప్రసాద్‌ తెలిపారు. పోలీసు బందోబస్తు ఏర్పాటు చేసినట్లు ఆస్పరి ఎస్సై వరప్రసాద్‌ తెలిపారు.