మేధోశక్తిని పెంపొందించుకోవాలి

విద్యార్థులకు ధ్రువీకరణ పత్రాలు అందిస్తున్న డీఈవో అనురాధ

నంద్యాల గాంధీచౌక్‌, న్యూస్‌టుడే : విద్యార్థులు మేధోశక్తిని పెంపొందించుకోవాలని డీఈవో అనురాధ పేర్కొన్నారు. నంద్యాల పట్టణంలోని ఎస్పీజీ ఉన్నత పాఠశాలలో శుక్రవారం వ్యవస్థాపక మనస్తత్వ అభివృద్ధి కార్యక్రమాలు నిర్వహించారు.  జిల్లాలో 2 ఉత్తమ ప్రాజెక్టులను రాష్ట్రస్థాయికి ఎంపికచేసినట్లు వెల్లడించారు. విజేతలుగా గోస్పాడు ఏపీ ఎమ్మెస్‌ పాఠశాలకు చెందిన శ్వేత, గైడ్‌ టీచర్‌ అమీర్‌ సుహైల్‌, ఆళ్లగడ్డ జడ్పీ ఉన్నత పాఠశాల విద్యార్థిని లక్ష్మి, గైడ్‌టీచర్‌ చెన్నకేశ్వరిని ఎంపికచేసినట్లు వివరించారు.  జిల్లా సైన్స్‌ అధికారి సుందరరావు తదితరులు ఉన్నారు.