కేసుల దర్యాప్తు వేగవంతం చేయాలి

నేర సమీక్ష సమావేశం నిర్వహిస్తున్న జిల్లా ఎస్పీ రఘువీర్‌రెడ్డి

నంద్యాల నేరవిభాగం, న్యూస్‌టుడే : కేసుల దర్యాప్తు వేగవంతం చేసి, నిందితులను త్వరగా అరెస్టు చేయాలని ఎస్పీ రఘువీర్‌రెడ్డి ఆదేశించారు. నంద్యాల జిల్లా పోలీసు కార్యాలయం నుంచి బుధవారం ఆయన వీడియో కాన్ఫరెన్స్‌ ద్వారా జిల్లాలోని డివిజన్ల వారీగా నేర సమీక్ష సమావేశం నిర్వహించారు. ఈసందర్భంగా ఎస్పీ మాట్లాడుతూ.. స్టేషన్‌లలో యూఐ కేసులు తగ్గించుకోవాలన్నారు. నిర్ణీత గడువులోపు పెండింగ్‌ కేసులను పరిష్కార దశకు తేవాలని చెప్పారు.