ప్రభుత్వ మోసాలను ప్రజలకు వివరించాలి

మాట్లాడుతున్న జేవీవీ వ్యవస్థాపకుడు డా.బ్రహ్మారెడ్డి

కర్నూలు బి.క్యాంపు, న్యూస్‌టుడే : ప్రభుత్వం చేస్తున్న మోసాలను ప్రజలకు అర్థమయ్యేలా వివరించి వారిని చైతన్యం చేయాలని జనవిజ్ఞాన వేదిక వ్యవస్థాపకుడు డా.బ్రహ్మారెడ్డి అన్నారు. నగరంలోని బీఏఎస్‌ కల్యాణ మండపంలో అఖిల భారత తపాలా ఉద్యోగుల సంఘం ఆధ్వర్యంలో జరుగుతున్న రాష్ట్ర మహాసభ రెండో రోజైన సోమవారం కొనసాగింది. ఈ కార్యక్రమానికి సంఘం రాష్ట్ర అధ్యక్షుడు మురళి అధ్యక్షత వహించారు. ఈ కార్యక్రమంలో డెమోక్రసీ టీచర్స్‌ ఫెడరేషన్‌ జిల్లా నేత రత్నం ఏసేపు, తపాలా ఉద్యోగుల సంఘం నాయకులు గిరిబాబు, శమంతకరెడ్డి, లక్ష్మీకాంత్‌, నాగేంద్ర, మల్లికార్జున తదితరులు పాల్గొన్నారు.