శ్రీమఠంలో ద్వాదశి పూజలు

మంత్రాలయం, న్యూస్‌టుడే: ద్వాదశి సందర్భంగా మంత్రాలయం రాఘవేంద్రస్వామి మఠంలో విశేష పూజలు నిర్వహించారు. మరోవైపు ద్వాదశిని పురస్కరించుకుని భక్తులు అధిక సంఖ్యలో తరలివచ్చారు. స్వామి బృందావనానికి జలాభిషేకం, పంచామృతాభిషేకం చేసి, బంగారు కవచాలు, విశేష పుష్పాలతో అలంకరించారు. పీఠాధిపతి సుబుదేంద్రతీర్థులు పూజా మందిరంలో జయ, దిగ్విజయ, మూల రాములకు పూజలు చేశారు. గ్రామ దేవత మంచాలమ్మకు, రాఘవేంద్ర స్వామి మూల బృందావనానికి మంగళహారతులు ఇచ్చారు. ఉత్సవమూర్తి ప్రహ్లాదరాయలకు బంగారు పల్లకి సేవ, చెక్క, బంగారు, నవరత్న రథోత్సవంపై అశేష జనవాహిని మధ్య ఊరేగించారు. అనంతరం ఊంజల సేవ జరిపారు.