ఆటో, ద్విచక్రవాహనం ఢీ : యువకుడి మృతి

హన్వాడ, న్యూస్‌టుడే : ఆటో- ద్విచక్రవాహనం ఢీకొన్న సంఘటనలో కోయిలకొండ మండలం అభంగపట్నానికి చెందిన వినోద్‌కుమార్‌(25) మృతిచెందాడు. పోలీసులు తెలిపిన వివరాలు.. గ్రామానికి చెందిన వడ్డె వినోద్‌కుమార్‌, మునిమోక్షానికి చెందిన ఆయన మిత్రుడు చెన్నయ్యను ద్విచక్రవాహనంపై ఎక్కించుకొని శనివారం రాత్రి గొండ్యాల్‌లో తిరుమలనాథ ఉత్సవాలకు వెళుతుండగా.. అమ్మాపూర్‌ గేట్‌ దగ్గర వేపూర్‌ నుంచి హన్వాడ వస్తున్న ఆటో ఢీకొంది. ప్రమాదంలో వినోద్‌కుమార్‌ అక్కడికక్కడే మృతిచెందాడు. చెన్నయ్య కాలుకు బలమైన గాయాలు తగిలాయి. చెన్నయ్యను జిల్లా ప్రభుత్వ ఆసుపత్రికి తరలించారు. వినోద్‌కుమార్‌ మృతకి కారణమైన ఆటో డ్రైవర్‌ సంతోశ్‌పై పోలీసులు కేసు నమొదు చేసి విచారణ జరుపుతున్నారు.