బతికున్న కుమార్తెకు దినకర్మ

వద్దన్నా.. వివాహం చేసుకుందని ఆగ్రహం

చిన్నచింతకుంట, న్యూస్‌టుడే : బతికున్న కుమార్తెకు తండ్రి దినకర్మ నిర్వహించిన సంఘటన మహబూబ్‌నగర్‌ జిల్లా చిన్నచింతకుంట మండలంలో చోటుచేసుకుంది. మండలంలోని ఓ గ్రామానికి చెందిన 22 ఏళ్ల యువతి తన మేనత్త కుమారుడిని ఈ నెల 13న ప్రేమ వివాహం చేసుకుంది. తల్లిదండ్రులు ఆదివారం కుమార్తె వద్దకు వెళ్లి ఆమె ప్రేమించిన యువకుడితోనే వివాహం చేస్తామని ఇంటికి వచ్చేయమని కోరారు. కనీసం నిశ్చితార్థం అయినా చేస్తేనే వెంట వస్తానని యువతి చెప్పింది. ఆగ్రహంతో ఇంటికి వచ్చిన తల్లిదండ్రులు తమ కుమార్తె ఈ నెల 13న మృతి చెందినట్లు చిత్రపటంతో ఫ్లెక్సి తయారు చేయించి దినకర్మ నిర్వహించారు. కుమార్తె జ్ఞాపకాలు ఇంట్లో ఉండొద్దని ఆమె దుస్తులు కూడా దహనం చేసినట్లు గ్రామస్థులు తెలిపారు.