మంత్రి హరీశ్‌రావు పర్యటనకు ఏర్పాట్లు

ఆసుపత్రిలో ఏర్పాట్లను పరిశీలిస్తున్న అదనపు కలెక్టర్‌ తేజస్‌ నంద్లాల్‌

కోయిలకొండ, న్యూస్‌టుడే : ఆసుపత్రి ప్రారంభంతో మండల ప్రజలకు వైద్యసేవలు అందుబాటులోకి వస్తాయని స్థానిక సంస్థల అదనపు కలెక్టర్‌ తేజస్‌ నంద్లాల్‌ అన్నారు. సోమవారం ప్రారంభోత్సవ ఏర్పాట్లను పరిశీలించారు. ఈ సందర్భంగా ఆయన వివిధ శాఖల అధికారులతో మాట్లాడారు. అధికారులు సమన్వయంతో వ్యవహరించి ఎలాంటి పొరపాట్లకు తావ్వికుండా ప్రారంభోత్సవానికి సిద్ధం చేయాలని సూచించారు. ఆసుపత్రి పరిసరాల్లో అందమైన మొక్కలను నాటాలన్నారు. రూ.5 కోట్లతో నిర్మించిన 30 పడకల ఆసుపత్రిని మంగళవారం రాష్ట్ర వైద్యఆరోగ్యశాఖ మంత్రి హరీశ్‌రావు ప్రారంభిస్తారన్నారు. కార్యక్రమంలో అదనపు డీఎంహెచ్‌వో శశికాంత్‌, ఎంపీడీవో జయరాం, టీఎస్‌ఎంఎస్‌ఐడీసీ ఏఈ శేఖర్‌, వివిధ శాఖల అధికారులు, ప్రజాప్రతినిధులు తదితరులు పాల్గొన్నారు.