మహిళల ఆరోగ్య సంరక్షణలో అంగన్వాడీలు కీలకం

మాట్లాడుతున్న అదనపు కలెక్టర్‌ శ్రీహర్ష

గట్టు, న్యూస్‌టుడే : మహిళల ఆరోగ్య సంరక్షణలో అంగన్వాడీలు కీలక పాత్ర పోషించాలని జిల్లా అదనపు కలెక్టర్‌ శ్రీహర్ష సూచించారు. సోమవారం ఐసీడీఎస్‌ ఆధ్వర్యంలో మండలకేంద్రంలో ఆహార వైవిధ్య.. ప్రాముఖ్యత అంశంపై నిర్వహించిన మండల సదస్సులో పాల్గొని మాట్లాడారు. మహిళా, శిశు సంక్షేమానికి అమలవుతున్న పథకాలను వివరిస్తూ, స్త్రీలలో రక్తహీనత తదితర రుగ్మతలను పారదోలాలన్నారు. అంగన్వాడీ కార్యకర్తలు అంకితభావంతో విధులు నిర్వహిస్తే మహిళల ఆరోగ్యానికి భరోసా లభిస్తుందని చెప్పారు. మండలంలో ఉత్తమ సేవలందించిన ముగ్గురు టీచర్లకు ఆయన ప్రశంసాపత్రాలను అందజేశారు. ఎంపీపీ విజయ్‌కుమార్‌, జడ్పీటీసీ శ్యామల, వైస్‌ఎంపీపీ సుమతి, జిల్లా మహిళా శిశు సంక్షేమశాఖ అధికారిణి ముషాహిదా బేగం సీడీపీవో కమలాదేవి, స్థానిక సర్పంచి ధనలక్ష్మి, ఎంపీటీసీలు కృష్ణ, మహేశ్వరి, సూపర్‌వైజర్‌ నాగరాణి, ఆరోగ్య సిబ్బంది, పంచాయతీ కార్యదర్శులు, వివిధ గ్రామాల అంగన్వాడీ టీచర్లు పాల్గొన్నారు.