ఘనంగా జాతీయ ఓటరు దినోత్సవం

అమరచింత: అమరచింత తహసీల్దారు కార్యాలయం వద్ద జాతీయ ఓటరు దినోత్సవాన్ని మంగళవారం ఘనంగా నిర్వహించారు. ఈ సందర్భంగా తహసీల్దారు సింధూజ ఓటు ప్రాముఖ్యతను తెలియజేసేవిధంగా ముగ్గుల పోటీలు నిర్వహించారు. అనంతరం ఆమె మాట్లాడుతూ.. భారత రాజ్యాంగం 18ఏళ్లు నిండిన ప్రతి ఒక్కరికీ ఓటు హక్కు కల్పించిందన్నారు. ప్రజాస్వామ్యంకు పునాది ఓటు అని.. దాన్ని ఓటర్లు ఆయుధంగా వినియోగించుకుని మంచి పాలకుడిని ఎన్నుకోవాలని సూచించారు. కార్యక్రమంలో ఆర్‌ఐ గోపాల్‌, జూనియర్‌ అసిస్టెంట్‌ వెంకటయ్య, అంగన్‌వాడీ టీచర్లు, తెరాస నాయకులు పాల్గొన్నారు.