పాముకాటుకు రైతు బలి

నారాయణ (పాతచిత్రం)

కదిరెపాడు (పాన్‌గల్‌), న్యూస్‌టుడే : పొలంలోని మామిడితోటలో పనిచేస్తుండగా పాము కాటుకు గురైన రైతు మృతిచెందిన ఘటన మంగళవారం పాన్‌గల్‌ మండలం కదిరెపాడు గ్రామంలో చోటుచేసుకుంది. బాధిత కుటుంబ సభ్యుల వివరాల ప్రకారం.. నారాయణ (58) తన సొంత మామిడితోటలో చెట్లకు నీరు కట్టెందుకు గుంతలు తవ్వుతుండగా పాము కాటేసింది. తనను పాము కాటేసిందని, కాపాడండి అంటూ సమీప పొలాల్లో ఉన్నవారి దగ్గరకు పరుగుపెడుతూ పొలాల్లోనే కిందపడి ప్రాణాలు కోల్పోయాడు. మృతునికి భార్య, ఇద్దరు కుమారులు ఉన్నారు. సంఘటన స్థలాన్ని సర్పంచి లక్ష్మయ్య, ఎంపీటీసీ సభ్యురాలు నాగమ్మ, గ్రామస్థులు రామకృష్ణ, సత్యం తదితరులు సందర్శించి బాధిత కుటుంబాన్ని పరామర్శించారు.