భద్రాద్రిలో రాష్ట్రస్థాయి క్రీడలు ప్రారంభం

ఏకలవ్య మోడల్‌ రెసిడెన్షియల్‌ పాఠశాలల విద్యార్థుల మార్చ్‌ఫాస్ట్‌

పాల్వంచ విద్యావిభాగం, న్యూస్‌టుడే: రాష్ట్రస్థాయి 6వ ఇంటర్‌ సొసైటీ లీగ్‌ పోటీలు భద్రాద్రి కొత్తగూడెం జిల్లా పాల్వంచ మండలంలోని కిన్నెరసాని క్రీడా పాఠశాలలో సోమవారం అట్టహాసంగా ప్రారంభమయ్యాయి. రాష్ట్రంలోని బీసీ, మైనార్టీ, సోషల్‌, ట్రైబల్‌ వెల్ఫేర్‌ గురుకులాలు, ఏకలవ్య, కేజీబీవీ, ఆశ్రమ పాఠశాలల సొసైటీలకు చెందిన 3,500 మంది హాజరవుతున్న క్రీడా సంబరం డిసెంబరు 1న ముగియనుంది. వీరంతా మొత్తం 13 క్రీడాంశాల్లో తలపడతారు. ఈ క్రీడలను రాష్ట్ర ప్రభుత్వ విప్‌ రేగా కాంతారావు ప్రారంభించారు. అనంతరం మాట్లాడుతూ ముఖ్యమంత్రి కేసీఆర్‌ విద్యతో పాటు క్రీడలకు సమ ప్రాధాన్యం ఇస్తున్నారన్నారు. గుణాత్మక విద్యపై దూరదృష్టితో ఆలోచించి ప్రతి నియోజకవర్గంలో అన్నివర్గాల వారికి ప్రత్యేక గురుకులాలు నెలకొల్పారన్నారు. రాష్ట్ర గురుకులాల కార్యదర్శి రోనాల్డ్‌రాస్‌, బీసీ, మైనార్టీ గురుకులాల కార్యదర్శులు మల్లయ్య భట్టు, షఫీ ఉల్లా తదితరులు పాల్గొన్నారు.