హుండీ ఆదాయం రూ.23.64 లక్షలు

కానుకలు లెక్కిస్తున్న భక్తులు

చిన్నచింతకుంట, న్యూస్‌టుడే : శ్రీకురుమూర్తిస్వామి బ్రహ్మోత్సవాలకు భక్తులు భారీగా కానుకలు అందించారు. ఉత్సవాల సందర్భంగా మూడో విడత హుండీలో కానుకలను సోమవారం లెక్కించగా.. రూ.23,64,698 ఆదాయం వచ్చినట్లు ఈవో శ్యాంసుదరాచారి, తాజా మాజీ ఛైర్మన్‌ ప్రతాప్‌రెడ్డి తెలిపారు. మూడు విడతలుగా హుండీలో భక్తులు సమర్పించిన కానుకలను లెక్కించగా రూ.71,93,678 ఆదాయం వచ్చినట్లు వారు తెలిపారు. గతేడాదితో పోలిస్తే రూ.16,52,136 అదనంగా వచ్చింది. 22 కిలోల 857 గ్రాముల మిస్రమ వెండిని భక్తులు హుండీకి సమర్పించినట్లు వారు తెలిపారు. సోమవారం భక్తుల రద్దీ సాధారణంగా ఉంది. జాతరలో యాత్రికుల కొలహలం కొనసాగింది.