మెరుగైన సేవలు అందించేందుకు కృషి

జోగులాంబ జోన్‌ డీఐజీ ఎల్‌ఎస్‌ చౌహాన్‌

సెల్యూట్‌ చేస్తున్న డీఐజీ ఎల్‌ఎస్‌ చౌహాన్‌. చిత్రంలో ఎస్పీ ఆర్‌ వెంకటేశ్వర్లు, అదనపు ఎస్పీ రాములు

మహబూబ్‌నగర్‌ నేరవిభాగం, న్యూస్‌టుడే : మెరుగైన సేవలను అందించడానికి కృషి చేయాలని జోగులాంబ జోన్‌ డీఐజీ ఎల్‌ఎస్‌ చౌహాన్‌ పోలీసు శాఖ సిబ్బందికి సూచించారు. మహబూబ్‌నగర్‌ జిల్లా కేంద్రంలోని డీఐజీ కార్యాలయం వద్ద గురువారం గణతంత్ర వేడుకలను ఘనంగా నిర్వహించారు. ఈ సందర్భంగా జాతీయ పతాకాన్ని ఆవిష్కరించి మాట్లాడారు. కుటుంబంతో పాటు ఉద్యోగ బాధ్యతలను సమర్థంగా నిర్వహించాలన్నారు. అనేక రకాల సమస్యలతో స్టేషన్లకు వచ్చేవారికి సత్వరమే తగిన న్యాయం చేసేలా చర్యలు తీసుకోవాలన్నారు. కార్యక్రమంలో ఎస్పీ ఆర్‌.వెంకటేశ్వర్లు, అదనపు ఎస్పీ రాములు, డీఎస్పీలు, సీఐలు, ఎస్సైలు పాల్గొన్నారు.