కనులపండువగా ఆదిశిలావాసుడి కల్యాణం

మల్దకల్‌ : శ్రీదేవి, భూదేవి సమేత ఆదిశిలావాసుడు

మల్దకల్‌, న్యూస్‌టుడే : ఆది శిలాక్షేత్రంలోని శ్రీలక్ష్మీవేంకటేశ్వరస్వామి ఆలయంలో ఆదివారం స్వామివారి కల్యాణం కనులపండువగా జరిగింది. ఆలయంలో ఉదయం సుప్రభాత సేవ, శాంతిహోమం, శుద్ధజలాభిషేకం, పంచామృతాభిషేకాలు, అర్చన, మంగళ హారతులు, ఉత్సవ  విగ్రహాల ఊరేగింపు చిన్నరథోత్సవం ఊంజల సేవ చేశారు. భక్తులు తరలి వచ్చారు. ఈవో సత్యచంద్రారెడ్డి, ఛైర్మన్‌ ప్రహ్లాదరావు, బాబురావు, ముకుందరావు, ఉరుకుంద తదితరులు పాల్గొన్నారు.

అలంపూర్‌ : అలంపూర్‌ బాలబ్రహ్మేశ్వరస్వామి, జోగులాంబ అమ్మవారికి ఆదివారం అభిషేకం, స్పర్శ దర్శనం, జోగులాంబ అమ్మవారికి త్రిశతి, ఖడ్గమాల, కుంకుమార్చనలు నిర్వహించారు. జోగులాంబకు ఒడిబియ్యం, చీరలు సమర్పించి మొక్కులు తీర్చుకున్నారు. చండీహోమంలో 92 మంది భక్తులు హోమంలో పాల్గొనడంతో ఆలయాలకు రూ.92 వేల ఆదాయం సమకూరినట్లు ఈవో, ఛైర్మన్‌ పేర్కొన్నారు.