పదోతరగతి హాల్‌టికెట్లు డౌన్‌లోడ్‌ చేసుకోండి : డీఈవో

మహబూబ్‌నగర్‌ విద్యావిభాగం, న్యూస్‌టుడే : పదోతరగతి వార్షిక పరీక్షలు ఏప్రిల్‌-2023కి సంబంధించి హాల్‌టికెట్లు ఎస్‌ఎస్‌సీ బోర్డు వెబ్‌సైట్‌లో రాష్ట్ర యంత్రాంగం అందుబాటులో ఉంచినట్లు జిల్లా విద్యాశాఖ అధికారి ఎస్‌.యాదయ్య గురువారం ఒక ప్రకటనలో తెలిపారు. ఈ నెల 24 నుంచి వెబ్‌సైట్‌ https:///bse.telangana.gov.in నుంచి డౌన్‌లోడ్‌ చేసుకోవాలన్నారు. హాల్‌టికెట్‌పై పాఠశాల హెచ్‌ఎం, ప్రిన్సిపల్‌ సంతకం లేకున్నా పరీక్ష రాసేందుకు అనుమతి ఉంటుందన్నారు. పది పరీక్షలకు హాజరయ్యే విద్యార్థులు తమకు కేటాయించిన పరీక్ష కేంద్రానికి ఒకరోజు ముందే చిరునామా సరి చూసుకోవాలని సందేహాలుంటే సంబంధిత అధికారులను సంప్రదించి నివృత్తి చేసుకోవాలని పేర్కొన్నారు.