అభిమానించే వారిని కాపాడుకుంటా: జగ్గారెడ్డి

సంగారెడ్డి: తన నియోజకవర్గంలో కొందరు కాంగ్రెస్‌ ఎంపీపీలు, సర్పంచ్‌లు పార్టీ మారారని.. దీనిపై కార్యకర్తలు ఆందోళన చెందొద్దని సంగారెడ్డి ఎమ్మెల్యే, టీపీసీసీ కార్యనిర్వాహక అధ్యక్షుడు జగ్గారెడ్డి అన్నారు. పార్టీ మారిన వారిని తాను విమర్శించనని చెప్పారు. ఈ మేరకు ఆయన ఓ ప్రకటన విడుదల చేశారు. ‘‘ పార్టీ మారే వారి పరిస్థితి ఎలా ఉందో? వారు ఎందుకు మారుతున్నారో?అది వారి వ్యక్తిగతం. కార్యకర్తనే నాయకుడిగా తయారు చేస్తా. బలమైన నేతలు వెళ్లగానే ఓట్లు పోయానని భావించొద్దు. నన్ను అభిమానించే వారిని నేను కాపాడుకుంటా. కార్యకర్తలెవరూ మనోధైర్యం కోల్పోవద్దు’’ అని పేర్కొన్నారు.