ఉపసర్పంచి, ఆరుగురు యువకుల పరారీ

జిన్‌గుర్తి (తాండూరు గ్రామీణ), న్యూస్‌టుడే: మద్యం మత్తులో పోలీసులతో దురుసుగా ప్రవర్తించిన ఘటనలో జిన్‌గుర్తికి  చెందిన ఇద్దరు యువకులను రిమాండ్‌కు తరలించారు. జిన్‌గుర్తి ఉపసర్పంచి ఆశం అలీతోపాటు మరో ఆరుగురు యువకులు  పరారీలో ఉన్నారని పోలీసులు గురువారం వెల్లడించారు. ఐదు రోజుల క్రితం ఏఎస్‌ఐ కమాల్‌రెడ్డి సారథ్యంలో ముగ్గురు కానిస్టేబుళ్లు గ్రామానికి వెళ్లగా సర్పంచితోపాటు ఎనిమిది మంది యువకులు మద్యం మత్తులో ఉన్నారు. కానిస్టేబుల్‌ లక్ష్మీకాంత్‌రెడ్డి చొక్కా కాలర్‌ పట్టుకుని పోలీసు వాహనాన్ని అడ్డుకున్నారు.  ఈ ఘటనలో పాల్గొన్న తొమ్మిది మందిపై కేసు నమోదు  చేయగా పరారీలో ఉన్న ఏడుగురిని త్వరలో పట్టుకొని రిమాండ్‌కు తరలిస్తామని పోలీసులు తెలిపారు.