స్వచ్ఛతే లక్ష్యంగా..

గజ్వేల్‌ బాలికల విద్యాసౌధంలో శానిటరీ నాప్‌కిన్‌ వెండింగ్‌, డిస్పోజబుల్‌ యంత్రం ఏర్పాటు
ట్విట్టర్‌లో అభినందించిన కేటీఆర్‌

విద్యాసౌధం నిర్వాహకులకు పరికరాలు అప్పగించిన  బల్దియా ఛైర్మన్‌ రాజమౌళి తదితరులు

గజ్వేల్‌, న్యూస్‌టుడే: సిద్దిపేట జిల్లా గజ్వేల్‌ పట్టణం స్వచ్ఛతలో మెరిసేలా బల్దియా అధికారులు, ప్రజాప్రతినిధులు అన్ని రకాలుగా కృషి చేస్తున్నారు. ఇందులో భాగంగా, బాలికల దినోత్సవాన్ని పురస్కరించుకొని సోమవారం స్థానిక బాలికల విద్యాసౌధంలో గజ్వేల్‌-ప్రజ్ఞాపూర్‌ పురపాలిక ఛైర్మన్‌ రాజమౌళి, కమిషనర్‌ వెంకట్‌గోపాల్‌ చొరవతో శానిటరీ వెండింగ్‌, డిస్పోజబుల్‌ యంత్రాలను ఏర్పాటు చేశారు. ఇక్కడే కాకుండా పట్టణంలో నాలుగు చోట్ల మహిళల సౌకర్యార్థం వాటిని ఏర్పాటు చేశారు. రూ.5 నాణెం వేయగానే నాప్‌కిన్‌ వచ్చే యంత్రంతో పాటు వినియోగించిన దాన్ని కాల్చివేసే మరో యంత్రాన్ని బిగించారు. ఇప్పటికే పురపాలికలో నాప్‌కిన్ల వంటివి వేసేందుకు ఎర్ర డబ్బాలు ఏర్పాటుచేశారు. ప్రభుత్వ పాఠశాలలో సదరు యంత్రాన్ని బిగించిన విషయాన్ని తెలుసుకున్న రాష్ట్ర పురపాలిక శాఖ మంత్రి కేటీఆర్‌ ట్విట్టర్‌ వేదికగా వెల్‌డన్‌ మున్సిపాలిటీ అంటూ అభినందనలు తెలిపారు.