కనుల పండువగా రథోత్సవం

జగన్నాథుని రథాన్ని తాడుతో లాగుతున్న భక్తులు

ఇస్కాన్‌ ఆధ్వర్యంలో శ్రీ జగన్నాథ రథోత్సవం శనివారం కనుల పండువగా నిర్వహించారు. నటరాజ్‌ థియేటర్‌ వద్ద వైకుంఠపురం దేవాలయ ప్రధాన అర్చకులు కందాడై వరదాచార్యులు పూజ చేసి కార్యక్రమాన్ని ప్రారంభించారు. అక్కడి నుంచి అతిథి గృహం, బైపాస్‌ రహదారి, పోతిరెడ్డిపల్లి చౌరస్తా మీదుగా సాగింది. ఈ సందర్భంగా హరే రామ హరే కృష్ణ  అంటూ స్మరించారు. భాజపా నియోజకవర్గ ఇన్‌ఛార్జి రాజేశ్వరరావు దేశ్‌పాండే ప్రత్యేక పూజలు చేశారు. భక్తులు దారి పొడవునా నృత్యాలు, భజనలు చేస్తూ ముందుకు సాగారు. - న్యూస్‌టుడే, సంగారెడ్డి మున్సిపాలిటీ